Հարված-ալիքային թերապիան բուժման ժամանակակից մեթոդ է` հիմնված հարվածային (ակուստիկ) ալիքների ազդեցության վրա։
Հարվածային ալիքները մեծ քանակությամբ էներգիայի յուրատեսակ «հաղորդող» են։
Երկու տարբեր հյուսվածքների, օրինակ՝ ոսկորների և աճառների սահմանին բախվելիս, այդ էներգիան արտազատվում է և որոշակի կենսաբանական ազդեցություն ունենում։
Հարված-ալիքային թերապիայի հիմնական ազդեցություններից են ցավի նվազումը, բորբոքային դրսևորումների նվազումը, հոդերի շարժունակության վերականգնումը, վերականգնողական պրոցեսների արագացումը և միկրոշրջանառության բարելավումը։

Միջամտությունը ոչ ինվազիվ է և անցավ, չի պահանջում հատուկ նախապատրաստություն և հետագա վերականգնում:
Հարված-ալիքային թերապիայում կիրառվում է նորագույն փորձագիտական կարգի սարքավորում՝ BTL-6000 SWT:

Նկատելի ազդեցության հասնելու համար կարող է պահանջվել 4-ից 10 միջամտություն:
Հարված-ալիքային թերապիան իրականացվում է ամբուլատոր պայմաններում։

Պացիենտը հարմարավետորեն տեղավորվում է բազմոցի կամ աթոռի վրա, որից հետո մասնագետը մարմնի խնդրահարույց հատվածի վրա հատուկ հաղորդիչ գել է քսում: Այնուհետև բժիշկը սարքի վրա սահմանում է անհրաժեշտ պարամետրերը և մանիպուլյատորը դնում պացիենտի մարմնի անհրաժեշտ հատվածի վրա: Միջամտության ժամանակ հաշվի են առնվում այսպես կոչված «ձգանային կետերը», որոնք կարող են տարբեր տեղերում տեղակայված լինել՝ կախված հիվանդությունից:

Մեկ սեանսի տեւողությունը յուրաքանչյուր գոտում 7-10 րոպե է։ Միջամտությունից հետո հիվանդը կարող է անմիջապես դուրս գալ կլինիկայից և առանց որևէ սահմանափակման վերադառնալ իր բնականոն կյանքին:

Հարված-ալիքային թերապիայի արդյունավետությունը

Այս միջամտությունը լավագույն արդյունքն է տալիս ցավի դեմ պայքարում։ Հիվանդների կեսից ավելին առաջին իսկ պրոցեդուրայից հետո բարելավում է նկատում:
Հարված-ալիքային թերապիայի ցուցումներն են՝

• դեֆորմացնող օստեոարթրոզ
• պլանտար ֆասցիտ (գարշապարի «շպորներ»)
• հումերոսկապուլյար պերիարտրիտ
• վերականգնում վնասվածքներից հետո
• վերականգնում կոտրվածքներից հետո
• ողնաշարի օստեոխոնդրոզ
• էպիկոնդիլիտ
• հոդային կառուցվածքների և ջլերի բորբոքում
• ոտնաթաթի դիաբետիկ համախտանիշ
• կալցիֆիկացված տենդինիտ:

Հարված-ալիքային թերապիան ակտիվորեն կիրառվում է նյարդաբանական ախտանիշներով ուղեկցվող տարբեր հիվանդությունների բուժման ընթացքում։
Հարված-ալիքային թերապիան արդյունավետ է ցավերի դեմ պայքարում, եթե դրանք պլանտար ֆասցիտի, պերիարտրիտի, հարթաթաթության, միոզիտի եւ մի շարք այլ խնդիրների հետևանք են:

Հարված-ալիքային թերապիայի հակացուցումներն են՝

• Նորագոյացություններ միջամտության անցկացման գոտում
• Ցանկացած տեղայնացման անոթների թրոմբոզ
• Սուր վարակիչ պրոցեսներ
• Արյան մակարդման համակարգի ախտաբանություններ
• Հղիություն
• Սրտի ռիթմի խանգարում
• Մաշկային հիվանդություններ միջամտության հատվածում:

Կարևորե՛ք Ձեր առողջությունն ու հարմարավետությունը։
Հարված-ալիքային թերապիա անցնելու համար գրանցվեք առցանց՝ https://vcim.am/schedule/ կամ զանգահարեք 011-59-21-00 համարով։