Հաճախ տրվող հարցեր

«Վարդանանց»-ի ԶԱՆԳԵՐԻ կենտրոնն  աշխատում է բացառապես բժշկի այցելությունների գրանցման նպատակով:

Ուստի խնդրում ենք Covid-19 ՊՇՌ թեստավորումների հետ կապված հարցերը ուղղել vcim.am հասցեով։

Խնդրում ենք նաև ձեր ՊՇՌ թեստավորումների  պատասխանների ժամկետների հետ կապված  հարցերը պարզել ձեր կազմակերպության պատասխանատուի հետ, որը կապի մեջ է մեզ հետ:

Այո՛, իրականացվում է, ինչպես ՊՇՌ մեթոդով (վիրուսի առկայության որոշում), այնպես էլ արագ՝ հակամարմինների առկայության որոշում (արդյո՞ք, նախկինում հիվանդացել եք)։

Տեղեկացնում ենք, որ

• • • պայմանավորված Covid-19 ՊՇՌ թեստավորումների մեծ ծավալներով
    • դրանց արդյունքների կրկնակի վերստուգման անհրաժեշտությունով

ՊՇՌ թեստերի պատասխանները տրամադրվելու են հանձման օրվանից հետո 2 աշխատանքային օրվա   ընթացքում

Անում ենք առավելագույնը՝  թեստի պատասխանները հնարավորինս սեղմ ժամկետներում տրամադրելու և գլխավորը՝ դրա հետ միասին կենտրոնի բնականոն աշխատանքը պահպանելու համար։

Չէ՞ որ մեզ համար առաջնայինը ձեր առողջությունն է։

Շնորհակալություն փոխըմբռնման համար։

Անհրաժեշտ վերաթողարկել և կրկին ներբեռնել ծրագիրը

Պատասխանի վրա նշվում է թեստ հանձնելու և պատասխանը տրամադրելու ամսաթիվն ու ժամը

Արագ թեստը որևէ նախապայման չի պահանջում, իսկ ՊՇՌ-ի դեպքում հետազոտության հավաստիությունը բարձրացնելու նպատակով անհրաժեշտ է հետազոտությունից առաջ 3 ժամ չընդունել սնունդ, հեղուկներ, չկիրառել ըմպանի համար փչոցներ, քթի կաթիլներ։

6-18 ժամում՝ պայմանավորված թեստը հանձնելու ժամով

Հայաստանի Հանրապետությունում հանձնած թեստերն ընդունելի են ցանկացած երկիր մեկնելու և ցանկացած ավիաընկերությամբ ճամփորդելու համար

ՊՇՌ և արագ թեստերն իմաստային առումով տարբերվում են միմյանցից։ ՊՇՌ-ն ցույց է տալիս վիրուսի առկայությունն օրգանիզմում (արդյո՞ք Դուք այս պահին հիվանդ եք, վարակակի՞ր եք, վարակը  փոխանցո՞ղ եք), իսկ արագ (ռապիդ) թեստը ցույց է տալիս, արդյո՞ք նախկինում վարակվել եք այս հիվանդությամբ, թե՝ ոչ (առնվազն 5 օր պետք է անցած լինի ախտանշանների սկզբից)։ Իրականում սրանք միմյանց փոխլրացնող, այլ ոչ թե փոխարինող թեստեր են։ Դրանց ճշգրտությունը կախված է այն բանից, թե հիվանդության որերորդ օրն է հետազոտությունն անցկացվում։

Ներկայում ՀՀ-ում կիրառվում են Ռուսաստանի Դաշնության արտադրության ՍՊՈւՏՆԻԿ V, շվեդական արտադրության ԱՍՏՐԱ-ԶԵՆԵԿԱ, չինական արտադրության ԿՈՐՈՆԱՎԱԿ և ՍԻՆՈՖԱՐՄ պատվաստանյութերը:

Այլ երկրներ այցելելու դեպքում անհրաժեշտ է դիմել ՀՀ արտաքին գործերի նախարարություն կամ տվյալ երկրի դեսպանատուն՝ այդ երկրում ընդունելի  պատվաստանյութերի ցանկը ճշտելու համար:

Պատվաստումն ունի բացարձակ և ժամանակավոր հակացուցումներ: Բացարձակ հակացուցում է համարվում պատվաստանյութի առաջին դեղաչափի ներարկումից հետո արձանագրված անաֆիլակտիկ շոկը կամ անաֆիլակտոիդ ռեակցիան, որի արդյունքում հիվանդը հոսպիտալացվել է: Պատվաստում չի կատարվում հղիներին, եթե հղին չի տալիս գրավոր համաձայնություն վերջինիս համար, ուսանողներին, եթե չկա նրա գրավոր համաձայնությունը: Ժամանակավոր հակացուցումներ են համարվում որևէ սուր հիվանդությունը /մինչև լավացումը/ և քրոնիկ հիվանդության սրացումը /պատվաստումը կատարվում է ռեմիսիայի շրջանում/:

Որևէ երկրում, այդ թվում և Հայաստանի Հանրապետությունում, պատվաստումը կատարվում է բժշկի զննումից և անհրաժեշտության դեպքում միայն՝ հետազոտություններն անցնելուց հետո:

Պատվաստվելուց առաջ որևէ նախապայման չկա, ցանկալի է նախորդ օրվանից /24-48 ժամ/ ալկոհոլ չօգտագործել:

Աստրա-Զենեկա պատվաստանյութն արտադրողն ուշացման դեպքում որևէ խնդիր չի առաջադրում, իսկ մյուս պատվաստանյութերի համար երկրորդ դեղաչափի ստացումը ցանկալի է իրականացնել արտադրողի կողմից նշված ժամկետներում՝ իմունիտետի  ցանկալի լարվածություն ապահովելու համար, սակայն մինչև մեկ ամսվա ուշացումը որևէ խնդիր չի հարուցում:

ՀՀ-ում կիրառվող պատվաստանյութերը նախատեսված են երկու դեղաչափ ստանալու համար, և եթե քաղաքացին առաջին դեղաչափից հետո որոշում է այլ պատվաստանյութ ստանալ, ապա պետք է զգուշացնել, որ երկրորդ ընտրված պատվաստանյութը կատարվելու է երկու դոզայով, այսինքն՝ արդյունքում կստացվի երեք ներարկում:

Սերտիֆիկատն արտածվում է ԱՐՄԵԴ էլեկտրոնային առողջապահական համակարգից, որի վրա առկա են պատվաստման տվյալները՝ հայերեն, անգլերեն և ռուսերեն  լեզուներով: Սերտիֆիկատի վրա առկա է  QR կոդ և կնքվում է տնօրենի կնիքով:

Այո, հնարավոր է: ՀՀ-ում կորոնավիրուսային վարակի դեմ պատվաստումներն իրականացվում են քաղաքացու կողմից ընտրված բժշկական կենտրոնում՝ անկախ կցագրումից և դեղաչափից:

«Վարդանանց» ՆԲԿ-ում կցագրված քաղաքացին սերտիֆիկատ կարող է վերցնել թե՛ այն ԲԿ-ից, որտեղ պատվաստվել է, թե՛ մեր կենտրոնից:

Մինչև սերտիֆիկատի թղթային տարբերակը վերցնելը քաղաքացիները կարող են իրենց հեռախոսի մեջ ներբեռնել ArMed eHealth հավելվածը և այնտեղ գրանցվել հեռախոսահամարով: Պատվաստումը բուժքրոջ կողմից համակարգ մուտքագրելուց հետո քաղաքացին իր հեռախոսում արդեն առկա հավելված մուտք գործելով կտեսնի պատվաստումային  կանաչ անձնագիրը՝ պատվաստանյութի անվանումով, սերիայով և պատվաստման ամսաթվով:

Կորոնավիրուսային վարակի դեմ պատվաստումը կարելի է ստանալ ցանկացած պոլիկլինիկայում՝ անկախ կցագրումից, անվճար: Իսկ ՀՀ քաղաքացիություն չունեցող անձինք պատվաստվում են շարժական պատվաստումային կետում՝ երկիր մուտք գործելուց 5 օր հետո, ինչը ստուգվում է անձնագրում առկա մուտքի դրոշմով: Պատվաստումը վերջիններիս կատարվում է Աստրա-Զենեկա պատվաստանյութով՝ անվճար:

Ոչ: Մենք ընդունում ենք ֆինանսավորման տարբեր աղբյուրներ ունեցող մարդկանց՝ առողջության ապահովագրություն, պետպատվեր, տարբեր բարեգործական ծրագրերի անդամների և մարդկանց, որոնք իրենք են հոգում իրենց ծախսերը:

Այո: Լաբորատոր հետազոտության արդյունքները մենք տրամադրում ենք նույն օրը, բացառությամբ այն դեպքերի, երբ նմուշառումը կատարվել է աշխատանքային օրերին ժամը 18:00-ից, իսկ շաբաթ օրերին՝ 16.00-ից հետո և եթե կա որակի կրկնակի հսկողության կամ երկրորդ մասնագետի կարծիքի անհրաժեշտություն։

Այո, իհարկե: Սակայն, որոշ դեպքերում Ձեր հայտը քննարկելու համար ապահովագրական ընկերությունները պահանջում են հավելյալ տեղեկատվություն: Կասկածների կամ հարցերի առաջացման պարագայում կապ հաստատեք Ձեր ապաահովագրական ընկերության հետ:

Մեր կենտրոնում գործում է հերթերի կառավարման ճկուն համակարգ, որը նվազագույնի է հասցնում սպասելու ժամանակը: Պլանային այցելության դեպքում սպասելը չի գերազանցում հինգ րոպեն: Ոչ պլանային այյցելության դեպքում այն կարող է հասնել մինչև 15 րոպեի: Երկու դեպքում էլ Դուք կլինեք մեր անձնակազմի ուշադրության կենտրոնում, ձեր տրամադրության տակ կլինեն հարմարավետ սպասասրահները և զովացուցիչ ըմպելիքները:

Ուշադրություն: Բոլոր անհետաձգելի դեպքերը (սրտի նոպա, շնչառության անբավարարություն, գլխուղեղի կաթվածի (ինսուլտ) կասկած, ուժեղ ցավերի սինդրոմ և այլն) համարվում են արտահերթ և սպասարկվում են անմիջապես՝ ըստ առանձին կանոնակարգի:

Այո, մեր կենտրոնում գործում է տնային այցելության ծառայություն։ Այն մատուցվում է հետևյալ դեպքերում.
– Երբ հիվանդը ինքնուրույն ի վիճակի չէ այցելել կենտրոն (օրինակ՝ ջրազրկման, ցավի, մկանային թուլության և այլ դեպքերում)
– Մինչև 5 տարեկան երեխաներին այցն իրականացնելու վերջնական որոշումը կայացնում է բժիշկը, ով գնահատում է հիվանդի անհատական բողոքները, անամնեզը, ռիսկի գործոնները և տնային պայմաններում զննման առավելությունները: