Skip to content

ՍԵՌԱՎԱՐԱԿՆԵՐԸ՝ ՍԵՐՆԴԱՐԱՐՄԱՆ ԲԱՑԱՍԱԿԱՆ ԳՈՐԾՈՆ -2

Շարունակում ենք սեռական ճանապարհով փոխանցվող հիվանդությունների կանխարգելման և հաղթահարման նպատակով սկսած տեղեկատվական արշավը, որի նպատակը առողջ սերունդ արարելու գաղափարն է։  

«ՎԱՐԴԱՆԱՆՑ» նորարարական բժշկության կենտրոնի գինեկոլոգիական ծառայության ղեկավար Լիանա ՄԱՐՏԻՐՈՍՅԱՆՆ այս անգամ անդրադառնում է գոնորեային։

Հիմնականում սեռական ճանապարհով փոխանցվող գոնորեան  փոքր կոնքի օրգանների բորբոքային հիվանդության, անպտղության և արտարգանդային հղիության հիմնական պատճառներից մեկն է։

Ո՞րն է գոնորեայի պատճառը

Հիվանդության հարուցիչը գոնորեայի  բակտերիան է, որն արագ աճում և բազմանում է կանանց և տղամարդկանց սեռական օրգանների լորձաթաղանթների վրա։

Եթե հղի կինը վարակվի գոնորեայով, ապա հարուցիչները կարող են ախտահարել նորածնի աչքերը՝ ծննդաբերական ուղիներով նրա անցնելու ընթացքում։ Չբուժելու դեպքում վարակը կարող է հանգեցնել  կուրության։

Որո՞նք են գոնորեայի նշանները

Գանգատները սովորաբար ի հայտ են գալիս վարակվելուց 3-5 օր անց։ Երբեմն դրանք կարող են արտահայտվել մինչև մեկ ամիս անց։

Կանաց մոտ գոնորեայի դեպքում դիտվում է

      • դեղնականաչ գույնի հեշտոցային արտադրություն
      • արյունահոսություն սեռական հարաբերությունից հետո
      • ցավ և այրոց միզարձակման և սեռական հարաբերության ժամանակ
      • ցավեր և լարվածություն որովայնի ստորին հատվածում՝ վարակը դեպի վերին սեռական օրգաններ՝ արգանդ, արգանդափողեր կամ ձվարաններ տարածվելու դեպքում։

Որոշ կանանց մոտ ախտանշանները կարող են լինել բավական թույլ արտահայտված, և հիվանդությունն աննկատ մնա։

Մասնագետը զգուշացնում է, որ դա մեծացնում է բարդությունների առաջացման և վարակի տարածման վտանգը։

 

Ինչպե՞ս վարվել

 

Փորձառու գինեկոլոգ ՄԱՐՏԻՐՈՍՅԱՆՆ ընդգծում է՝

      • Մի՛ ընդունեք դեղամիջոցներ՝ ինքնուրույն կամ ընկերների խորհրդով։
      • Վաղ սկսած ճիշտ բուժումը կկանխի վարակի տարածումը, հիվանդության զարգացումը և անպտղությունը։

Մասնագետը միաժամանակ հորդորում է հիվադության մասին տեղեկացնել զուգընկերոջը, քանի որ նրա մոտ ախտանշանները կարող են բացակայել։ Նա նույնպես պետք է բուժում ստանա վարակը կրկին չփոխանցելու համար։

«Վարդանանց» ՆԲԿ-ում Ձեր խնդրին լուծում կտան՝ առաջնորդվելով  ապացուցողական վերջին մոտեցումներով։