Skip to content

Կարևորվել է ճիշտ ախտորոշումը

17 տարեկան տղան ծնողի հետ դիմել էր «Վարդանանց» նորարարական բժշկության կենտրոնի մանկաբույժ Զարինե Այվազյանին՝ իրանի, ափերի մաշկի և աչքի սպիտակապատյանների դեղնության պատճառով: Ծնողը նշել է, որ նախկինում նույնպես դիտվել է մաշկի գույնի փոփոխություն, սակայն այդ դրվագները կարծես թե ճիշտ չեն գնահատվել:
Ելնելով տղայի գանգատներից և զննման տվյալներից, կատարվել են կլինիկական նպատակային լաբորատոր հետազոտություններ։ Տղայի մոտ ախտորոշվել է Ջիլբերտի համախտանիշ (ընտանեկան բարորակ հիպերբիլիռուբինեմիա):
Զարինե Այվազյանը կլինիկական այս դեպքը ներկայացրել է կենտրոնի մանկաբուժական ծառայության հերթական քննարկման ժամանակ։
Քննարկման ընթացքում կարևորվել է ճիշտ ախտորոշումը, քանի որ բուժում չպահանջող այս համախտանիշի դեպքում պացիենտը հետագայում զերծ կմնա՝

      • ավելորդ հետազոտություններից ումիջամտություններից
      • դեղերի անհարկի ընդունումից։
        Մանկաբույժն իր գործընկերներին պատմել է, որ պացիենտին հնարավորինս ծանոթացրել է հիվանդությանը, դրա ընթացքին և այն կենսակերպին, որը կնպաստի սրացումների հաճախականությունը նվազեցնելուն:
        Ջիլբերտի համախտանիշը՝ ժառանգվող գենետիկական այս հիվանդությունը, կովկասյան պոպուլյացիայում հանդիպում է 2-10% դեպքերում, առավել հաճախ՝ դեռահաս տղաների մոտ: Այն լյարդի ֆունցկիայի թեթև խանգարում է, որի ժամանակ լյարդը չի յուրացնում բավարար բիլիռուբին: Այս խնդիրն ունեցողները հնարավոր է նաև երբևէ գանգատներ չունենան։